Hammasi qanot hujumchisi Sadio Mane faoliyatini Saudiya Arabistonida davom ettirishiga qarab ketmoqda. Nufuzli insayder Fabrisio Romanoning ijtimoiy tarmoqlarda xabar berishicha, 31 yoshli senegallik futbolchi “Bavariya”da qolishni xohlagan, ammo Myunxen klubi futbolchidan qutulishga qaror qilgan va bunga yechim topishga harakat qilmoqda.

"An-Nasr" Manening transferi ustida ishlamoqda va futbolchi bu variantni jiddiy ko‘rib chiqmoqda. Yaqin orada senegallik Saudiya klubi bilan shaxsiy shartnoma shartlari bo‘yicha muzokara olib boradi.

Eslatib o‘tamiz, iyul oyi o‘rtalarida "Bavariya" boshqaruvchisi Tomas Tuxel "Liverpul"dan transfer qilinganidan keyin Sadio Mane umidlarni oqlamaganini ochiqchasiga aytgan edi.

Transfermarkt Maneni 25 million yevroga baholamoqda.