"Манчестер Юнайтед" ярим ҳимоячиси Бруно Фернандеш жамоанинг янги сардори этиб тайинлангани ҳақида фикр билдирди.
Илгари боғич марказий ҳимоячи Харри Магуайрга тегишли эди, бироқ бош мураббий Эрик тен Хаг уни Фернандешга ўтказишга қарор қилди.
"Мен ва оилам учун алоҳида дақиқалар бошланди. Бу шунчаки орзу эмас. Мен катта ифтихорни ҳис қиляпман.
Бу катта масъулиятни англатади, лекин бу клубга ўтганимдан олдин ҳам босим остида қолганман. Мен ўзгармайман.
Мен бир хил стандартларни сақлаб қоламан ва сардор сифатида қўлимдан келганини қилишга ҳаракат қиламан", - деди Фернандеш.
