Килиан Мбаппенинг "ПСЖ"нинг Япониядаги мавсумолди турнеси учун қайдномага киритилмагани кутилмаган ҳолат бўлди, деб хабар беради ESPN. 24 ёшли франциялик футболчи ҳайратда қолди, бироқ раҳбариятнинг бундай қарорини қабул қилди.
Мбаппе "Гавр" билан ўртоқлик ўйини (2:0) дан кейин Японияга бормаслиги ҳақида маълум қилинганди. Франциялик футболчи ушбу учрашувда голлардан бирига муаллифлик қилди.
Мбаппе 2017 йилдан бери "ПСЖ"да ўйнаб келмоқда. Париж клуби раҳбарияти ҳужумчи 2024 йилда эркин агент сифатида "Реал"га ўтишга рози бўлган ва шунинг учун футболчини трансферга қўйган.
2022/23 йилги мавсумда у барча мусобақаларда 43 та ўйинда 41 та гол урди ва 10 та голли узатмани амалга оширди.
