Рубен Диаш Криштиану Роналдунинг Европа лигалари ҳақидаги фикрларига муносабат билдирди.
Эслатиб ўтамиз, "Ан-Наср"нинг португалиялик ҳужумчиси Европа футболига қайтмаслигини айтганди. Бундан ташқари, Роналду Саудия Арабистони чемпионати тез орада Нидерландия ва Туркия лигаларини ортда қолдиришига ишонмоқда.
"Келажакда нима бўлишини ҳеч ким билмайди, деб ўйлайман. Вазият қандай ривож топишини кутмоқдамиз, лекин мен фақат ҳозирги ва ҳозирда Премьер-лига ва умуман Европа рақобатбардошлиги ҳақида гапиришим мумкин" - деди "Манчестер Сити" ва Португалия ҳимоячиси beIN Sports нашрига.
