Ҳужумчи Виктор Бонифас Бельгиянинг "Унион" жамоасидан Германиянинг "Байер" клубига ўтди. Бу ҳақда немис жамоаси матбуот хизмати хабар берди.
22 ёшли нигериялик футболчининг "Байер" билан шартномаси 2028 йилнинг ёзига қадар тузилган. Бонифас 22-ўйин рақамини танлади.
Олдинроқ леверкузенликлар клуби ҳужумчи учун 20 миллион евро, қўшимча равишда 7,5 миллион бонус сифатида тўлаши хабар қилинганди.
Бонифас ўтган мавсумда барча турнирлар бўйича 55 ўйинда майдонга тушиб, 22 гол ва 12 голга ассистентлик қилган.
Германия чемпионатининг янги мавсуми 18 август куни бошланади ва 19 август куни “Байер” “Лейпциг” билан учрашади.
