Лондоннинг “Фулхэм” клуби бош мураббийи Марку Силва ҳужумчи Александр Митровичнинг “Ал-Ҳилол”га ўтиши мумкинлиги ҳақида фикр билдирди.

"Бу идеал сценарий эмас. У кейинги ўйинда майдонга тушмаяпти ва таркиб билан ишламаяпти. Баъзида ўйинчиларнинг индивидуал қарорлари бор, улар қабул қилишлари керак бўлган нарсаларни ҳурмат қиламан", – деди клуб устози.

28 ёшли ҳужумчи ўтган мавсумда 24 та ўйинда майдонга тушиб, 14 та гол ва битта голли узатмага муаллифлик қилган. Transfermarkt томонидан Митрович 28 миллион еврога баҳоланган.