"Челси" бош мураббийи Маурисио Почеттино ўртоқлик учрашувида "Брайтон" устидан қозонилган ғалаба (4:3) ҳақида фикр билдирди.
"Мухлисларни хурсанд қила олганимиз яхши, улар яхши ўйин ўтказишди. Албатта, ҳар қандай мураббий ўтказиб юборилган голлардан хурсанд эмас, лекин бу нормал ҳолат, чунки биз [бирга] бор-йўғи икки ярим ҳафта ишладик.
Менга жамоанинг ўйини ёқди, кўп ижобий нарсаларни кўрдим. Мен футболчиларнинг ва бутун жамоанинг муносабатини юқори баҳоладим. Ўтган мавсумда ажойиб натижа қайд этган жамоага қарши яхши куч кўрсатдик", - дея мураббийнинг сўзларидан иқтибос келтиради "кўклар" матбуот хизмати.
