"ПСЖ" сардори Маркиньос клуб Килиан Мбаппе билан келишмовчиликни ҳал қилишига ва франциялик ҳужумчиси бўлажак мавсумда жамоага қайтаришига умид қилишини айтди.
"ПСЖ" футболчи шартномани узайтиришдан бош тортгани учун Мбаппени Япония ва Жанубий Кореядаги мавсумолди турнеда иштирок этиш учун жамоа рўйхатига киритилмади.
"У ажойиб футболчи, аммо бу қарор раҳбарият томонидан бизнинг иштирокимизсиз қабул қилинган.
Биз ҳар доим энг яхши ўйинчилар биз билан бўлишини истаймиз ва умид қиламанки, бу мавсумда унинг биз билан бирга бўлиши ва бизга ёрдам бериши учун қарор қабул қилинади" - деди Маркиньос.
