"Реал Мадрид" янги футбол мавсуми бошланишидан олдин расмий ўйинларда ўз даражасига кўра сардорлик боғичини тақадиган тўрт нафар футболчи рўйхатини белгилаб олди.

Улар орасида биринчиси Начо Фернандес бўлиб, у профессионал фаолиятида фақат "қаймоқранглилар"да ўйнаган.

Тажрибали ҳимоячи ўзининг сўнгги интервьюсида жамоадошлари ишончини оқлашини айтиб ўтди.

"Тўғри, мен "Реал"нинг кўплаб ўйинларида сардорлик қилганман, аммо ҳозир биринчи сардор бўлиш ақл бовар қилмайдиган нарса ва айни пайтда жуда қийин вазифа.

Мен бу клубда бутун умр ўйнаб келганман, барча ёш тоифаларидан ўтганман. Шунинг учун бу клуб вакили бўлиш мен учун бўлиши мумкин бўлган энг яхши нарсадир.

Сардор бўлиш севимли бўлиш демакдир, лекин айни пайтда ҳамма учун энг яхши жамоадош бўлиш демакдир.

Мен ҳар доим жамоам учун курашишга ҳаракат қиламан, чемпионликни давом эттириш учун ҳар бир ўйинда ғалаба қозонаман." - деди Начо.

Эслатиб ўтамиз, Начо “Реал” билан 5 марта Чемпионлар кубоги, 5 марта клублар ўртасидаги жаҳон чемпионати соврини, 3 марта Ла Лига, 2 марта Испания кубоги, 4 марта УЕФА Суперкубоги ва 4 марта Испания Суперкубогини қўлга киритган.