"ПСЖ" Килиан Мбаппенинг сотилиши мумкинлиги ҳақида атайлаб миш-миш тарқатмоқда. Инсайдер Ромаин Беддуканинг сўзларига кўра, парижликлар буни "Реал Мадрид" футболчини ёзда сотиб олишга мажбурлаш учун атайлаб қилишмоқда.
ОАВда 24 ёшли футболчига Европанинг бир қатор клубларидан қизиқиш бўлаётгани ҳақида хабарлар пайдо бўлди. Килиан учун даъвогарлар орасида "Манчестер Юнайтед", "Челси", "Арсенал", "Тоттенхем", "Барселона" ва Саудиянинг "Ал-Ҳилол" клублари бор.
Мбаппенинг трансфер нархи 180 миллион еврога баҳоланмоқда. Ҳужумчининг "ПСЖ" билан шартномаси келаси ёзда якунига етади. Аввалроқ футболчи клуб билан шартномани узайтиришдан бош тортганди.