Премьер-лига ижрочи директори Ричард Мастерс Саудия Арабистони клубларининг трансфер сиёсати ҳақида ўз фикрлари билан ўртоқлашди.
"Шубҳасиз, янги нарса юз бермоқда. Саудия Арабистони лигаси 2030-йилгача топ-10 лигага киришни хоҳлаётганини айтди. Саудияликлар лига ва клублар нуфузини ошириш мақсадида футболчилар ва мураббийларга сармоя киритмоқда. Рақобатбардошлик ва даромад даражасига етиши учун 30 йил керак бўлди.
Ҳозир мен бу масалада кўп қайғурмаган бўлардим, аммо Саудия Арабистони клублари ҳам бошқа мамлакат клублари каби ўйинчиларни сотиб олишга ҳақли. Ахир Премьер-лиганинг йилига 6 миллиард фунт стерлинг даромади бор ва бу пуллар футболга қайта сармоя қилинмоқда", - деди Мастерс.
Айни дамда Саудия Арабистони жаҳон футболида мавжуд тартибни бузишга ҳаракат қилмоқда.
