"Бавария" президенти Герберт Хайнер Мюнхен клуби "Тоттенхэм" ҳужумчиси Харри Кейнни сотиб олиши мумкинлиги ҳақида гапирди.
"Менимча, Бундеслигада халқаро юлдузлар унчалик кўп эмас. "Бавария" ҳар доим клуб ва Бундеслигани яхшилаш учун юлдузларни жалб қилишга ҳаракат қилади. Харри Кейн - жуда жозибали футболчи, Англия терма жамоаси сардори ва тўпурари. У бизга ва Бундеслигага фойда келтиради", - деди Хайнер Kicker билан суҳбатд.
2022/23 йилги мавсумда Кейн "Тоттенхэм" сафида барча турнирлар доирасида 48 та ўйинда майдонга тушиб, 30 та гол урди ва 5 та голли узатмани амалга оширди. Унинг клуб билан амалдаги шартномаси 2024 йилнинг 30 июнига қадар мўлжалланган.
