Мюнхеннинг “Бавария” клуби ҳужумчиси Садио Мане Саудия Арабистони “Ан-Наср” клубининг трансфер мақсади бўлиб қолмоқда. Бу ҳақда инсайдер Флориан Плеттенберг ижтимоий тармоқлар орқали маълум қилди.
Манбага маълум бўлишича, 31 ёшли футболчининг агенти яқин кунларда Саудия клуби вакиллари билан учрашиб, келишув тафсилотларини қоралайди. Аввалроқ матбуотда "Ан-Наср" сенегаллик учун тахминан 30 миллион евро таклиф қилишга тайёрлиги ҳақида хабарлар тарқалган эди.
Садио ўтган мавсумда "Бавария" сафида барча турнирларда 38 та ўйинда майдонга тушиб, 12 та гол урди ва 6 та голли узатмани амалга оширди.
