Франциялик ҳужумчи Мусса Дембеле расман Саудиянинг “Ал-Иттифоқ” клубига ўтди. Бу ҳақда жамоа матбуот хизмати хабар берди.

Эслатиб ўтамиз, ҳужумчи шу ёзда эркин агентга айланди, чунки унинг "Лион" билан шартномаси якунига етди. Ўтган мавсумда у "тўкувчилар" сафида 28 та расмий ўйинда атиги 3 та гол урди ва битта голли узатмани амалга оширди.

Нуфузли Transfermarkt портали жамоага янги келган футболчини 12 миллион еврога баҳоламоқда. Футболчи янги клуби билан 4 йиллик шартнома имзолади.

Айтганча, Дембеле янги жамоада таниқли мураббий – Стивен Жеррард қўл остида машғулот ўтказади ва ўйнайди.