Ҳозиргина ёшлар ўртасидаги Осиё чемпионатининг "D" гуруҳи ўйинларига якун ясалди. Айтиш мумкинки, сўнгги тур ўйинлари драматик тарзда кечди.
Дастлабки 2та турда Саудия Арабистонини 5:1 ҳисобида енгиб, Австралия билан дуранг (1:1) ўйнаган Сурия ёшлар терма жамоаси сўнгги турга қадар бирорта ҳам очко жамғармаган Қатарга имкониятни бой бериб қўйди. Аммо ўша Саудия устидан қозонилган ғалаба, боз устига йирик ҳисобда, сурияликларга чорак финал эшигини очди.
Саудия Арабистони эса Австралияга қарши ўйиннинг 58-дақиқасида Ал-Муваллад томонидан киритилган гол эвазига ҳисобда олдинга чиқиб олди. Ушбу натижа саудияликларга гуруҳ ғолиблигини ҳам таъминларди. Бироқ ўйиннинг энг сўнгги дақиқасида австралиялик Камейро ҳисобни тенглаштиришга муваффақ бўлди ва жамоасига гуруҳ ғолиби бўлишига сабабчи бўлди. Саудия Арабистони ёшлар терма жамоаси эса гуруҳда 3-ўринда қолиб кетди.
Ёшлар ўртасидаги Осиё чемпионати
"D" гуруҳи. 3-тур
Қатар - Сурия - 2:1
Голлар: Аҳмад Абдулмутал (44, 49) — Маҳмуд ал-Мавас (68)
Саудия Арабистони - Австралия - 1:1
Голлар: Ал-Мувайлад (58) - Камейро (90)
| № | Жамоа | Ўйин | Ғалаба | Дуранг | Мағлубият | Т-Н | Очко |
|---|---|---|---|---|---|---|---|
| 1 | Австралия | 3 | 1 | 2 | 0 | 3-2 | 5 |
| 2 | Сурия | 3 | 1 | 1 | 1 | 7-4 | 4 |
| 3 | Саудия Арабистони | 3 | 1 | 1 | 1 | 6-8 | 4 |
| 4 | Қатар | 3 | 1 | 0 | 2 | 4-6 | 3 |
