"Арсенал" бош мураббийи Микель Артета ҳимоячи Александр Зинченконинг янги жароҳати ҳақида маълум қилди. Украиналик футболчининг мушаклари шикастланган, шу сабабли у жамоанинг мавсумолди йиғинини ўтказиб юборган.

“Зинченко яна мушакларидан жароҳат олди. Ҳозир у тузалиб кетди ва тез орада ўз вазифасига қайтади. Ачинарлиси, у бутун мавсумолди тур давомида биз билан бўлмаган", - дея испаниялик мутахассиснинг сўзларини келтиради клуб матбуот хизмати.

Ўтган мавсумда Зинченко лондонликлар сафида барча мусобақаларда 33 та ўйин ўтказиб, битта гол ва иккита голли узатмага муаллифлик қилган.