"Arsenal" bosh murabbiyi Mikel Arteta himoyachi Aleksandr Zinchenkoning yangi jarohati haqida ma’lum qildi. Ukrainalik futbolchining mushaklari shikastlangan, shu sababli u jamoaning mavsumoldi yig‘inini o‘tkazib yuborgan.
“Zinchenko yana mushaklaridan jarohat oldi. Hozir u tuzalib ketdi va tez orada o‘z vazifasiga qaytadi. Achinarlisi, u butun mavsumoldi tur davomida biz bilan bo‘lmagan", - deya ispaniyalik mutaxassisning so‘zlarini keltiradi klub matbuot xizmati.
O‘tgan mavsumda Zinchenko londonliklar safida barcha musobaqalarda 33 ta o‘yin o‘tkazib, bitta gol va ikkita golli uzatmaga mualliflik qilgan.
