Мадриднинг "Атлетико" клуби бош мураббийи Диего Симеоне вингер Янник Карраскони жамоада сақлаб қолмоқчи.
Бир неча кун олдин ОАВда бельгиялик футболчининг клубни тарк этиш истаги борлиги ҳақида маълумот пайдо бўлганди.
Журналист Рубен Уриянинг янгиланган маълумотларига кўра, айни дамда “матрасчилар” Карраско бўйича расмий таклифлар олмаган, бироқ 29 ёшли футболчига турли клублар, жумладан Саудия Арабистони вакиллари ҳам қизиқиш билдирмоқда. Диего Симеоне футболчининг кетишини маъқулламайди, лекин трансфер амалга ошса, унинг ўрнини босувчи вариантларни ўрганиб чиқмоқда.
Ёзнинг бошида Янник Карраско "Барселона"га ўтиши мумкин эди, аммо Каталония клуби сотиб олиш имкониятидан фойдаланмади.
