Madridning "Atletiko" klubi bosh murabbiyi Diyego Simeone vinger Yannik Karraskoni jamoada saqlab qolmoqchi.

Bir necha kun oldin OAVda belgiyalik futbolchining klubni tark etish istagi borligi haqida ma’lumot paydo bo‘lgandi.

Jurnalist Ruben Uriyaning yangilangan ma’lumotlariga ko‘ra, ayni damda “matraschilar” Karrasko bo‘yicha rasmiy takliflar olmagan, biroq 29 yoshli futbolchiga turli klublar, jumladan Saudiya Arabistoni vakillari ham qiziqish bildirmoqda. Diyego Simeone futbolchining ketishini ma’qullamaydi, lekin transfer amalga oshsa, uning o‘rnini bosuvchi variantlarni o‘rganib chiqmoqda.

Yozning boshida Yannik Karrasko "Barselona"ga o‘tishi mumkin edi, ammo Kataloniya klubi sotib olish imkoniyatidan foydalanmadi.