Кеча Чимкентда УЕФА Конференциялар Лигаси иккинчи саралаш босқичи доирасидаги "Ордабаси" ва Варшаванинг "Легия" жамоалари ўртасидаги учрашув бўлиб ўтди.
Бир қатор манбалар ўйиндан олдин бўлиб ўтган икки жамоа мухлислари ўртасидаги тўқнашув видеосини эълон қилди. Кадрларда ўнлаб "Легия" мухлислари стадион яқинида маҳаллий мухлислар билан муштлашгани, баъзи фанатлар зарбалар алмашганини кўриш мумкин. Орқа фонда полиция сиреналарининг товушлари эшитилмоқда.
Аввалроқ Варшавадан Чимкентга "Легия"нинг 150 га яқин мухлиси келгани хабар қилинганди.
Учрашувда дуранг натижа қайд этилган – 2:2, учрашув якунида "Легия" дарвозасига пенальти белгиланмаганидан сўнг мезбонлар мухлислари майдонга шиша отишни бошлашди.
Эслатиб ўтамиз, ушбу беллашувда ҳамюртларимиз Шахбоз Умаров ва Бобур Абдуҳолиқовлар иштирок этишди.
