“Манчестер Сити” агар “кўк-анорранглилар” “шаҳарликлар”нинг молиявий талабларига жавоб берса, ҳимоячи Жоау Канселуни “Барселона”га сотишга тайёр. Бу ҳақда инсайдер Хави Мигель маълум қилди.
Журналистнинг фикрича, испан клуби португалиялик футболчи учун 50 миллион евро таклиф қилса, инглизлар у билан хайрлашади.
Бироқ, молиявий қийинчиликларни бошидан кечираётган "Барселона" бундай маблағни сарфлай олмайди.
Каталонияликлар футболчини кейинги мавсум учун ижарага олмоқчи. Канселу билан шартнома имзолашнинг асосий ташаббускори "Барса" устози Хави Эрнандесдир.
Ўтган мавсумда Жоау "Бавария"да ижара асосида ўйнаганди. Унинг "Сити" билан шартномаси 2027 йилнинг ўрталарига қадар мўлжалланган.
