“Manchester Siti” agar “ko‘k-anorranglilar” “shaharliklar”ning moliyaviy talablariga javob bersa, himoyachi Joau Kanseluni “Barselona”ga sotishga tayyor. Bu haqda insayder Xavi Migel ma’lum qildi.
Jurnalistning fikricha, ispan klubi portugaliyalik futbolchi uchun 50 million yevro taklif qilsa, inglizlar u bilan xayrlashadi.
Biroq, moliyaviy qiyinchiliklarni boshidan kechirayotgan "Barselona" bunday mablag‘ni sarflay olmaydi.
Kataloniyaliklar futbolchini keyingi mavsum uchun ijaraga olmoqchi. Kanselu bilan shartnoma imzolashning asosiy tashabbuskori "Barsa" ustozi Xavi Ernandesdir.
O‘tgan mavsumda Joau "Bavariya"da ijara asosida o‘ynagandi. Uning "Siti" bilan shartnomasi 2027 yilning o‘rtalariga qadar mo‘ljallangan.
