"Бавария" ҳужумчиси Матис Тель ҳеч қандай шароитда ҳам жамоасини ўзгартирмоқчи эмас.

Мюнхенликлар "Тоттенхэм" ҳужумчиси Ҳарри Кейннинг трансфери бўйича фаол музокаралар олиб бормоқда, унинг келиши ёш французни асосий таркибда ўзини кўрсатиш истиқболидан маҳрум қилиши мумкин эди.

Журналист Кэрри Хоунинг сўзларига кўра, Телга "Тоттенхэм" қизиқиш билдирмоқда, бироқ футболчини "Бавария"дан кетиш вариантлари умуман васвасага солмаган. 18 ёшли футболчи Кейн билан шартнома имзоланган тақдирда ҳам клубда қолмоқчи.

Матис Тель ўтган ёзда "Ренн"дан 20 миллион евро эвазига "Бавария"га ўтган ва немис гранди билан 2025 йилгача шартнома имзолаган эди.