“Аталанта” ҳужумчиси Расмус Хёйлунд ҳали “Манчестер Юнайтед”га ўтгани йўқ.

Инглиз гиганти даниялик футболчини қўлга киритишга яна бир уриниб кўрди ва унга 65 миллион евро таклиф қилди (шундан 4 миллионга яқини бонуслар кўринишида бўлади), дея хабар беради инсайдер Алфредо Педулла.

Бу таклиф аллақачон "Аталанта" талабларига анча яқин, аммо барибир бергамаскликлар 20 ёшли ҳужумчини 67-70 миллион еврога баҳоламоқда. Қайд этилишича, битим тақдири кўп жиҳатдан бонусларнинг таклиф этилаётган тузилишига боғлиқ бўлади.

Эслатиб ўтамиз, Расмус Хёйлундга парижликлар ҳам қизиқиш билдирмоқда.