"Барселона" ва Мадриднинг "Реал" клуби собиқ футболчиси Луис Мильянинг фикрича мадридликлар футбол мактаби тарбияланувчиларининг клуб бош жамоасида ўйнашлари учун имкониятлари оз экан, дея хабар беради испан матбуоти.
Милья бу нарсани клуб бош мураббийи Жозе Моуриньо билан боғламоқда.
"Реал"да аниқ ва тушунарли сиёсат бўлиши керак. Ташқаридан қараганда клуб мактаби ва бош жамоа ўртасида анча масофа кўзга ташланади. "Реал"нинг бош жамоасида ўйнаш жуда қийин, у ерда юқори савия керак бўлади. Моуриньо шундай дейишдан чарчамаяпти. Мураббийнинг сиёсати аниқ - у клуб тарбияланувчиларига ишонмайди", - дейди Милья.
