Криштиану Роналду ҳали ўзининг спорт формасида эмас. Португалиялик ҳужумчи Араб чемпионлари кубоги доирасида "Аш-Шабаб" жамоасига қарши ўйинда (0:0) гол ура олмади ва голсиз сериясини кетма-кет бешинчи ўйинга етказди.
Ижтимоий тармоқларда финал ҳуштаги янграгандан кейин трибунадан олинган видео пайдо бўлди. Унда ғазабланган Роналду биринчи навбатда қўлларини ён томонга ёйиб, баъзи эътирозларини билдирди. Шундан сўнг Криштиану сув ичди ва идишини ундан бир неча метр нарида бўлган португалиялик футболчини суратга олаётган операторга улоқтирди. Шишани улоқтирган Криштиану операторга ундан узоқлашишни қўполлик билан имо қилди.
Эслатиб ўтамиз, Криштиану Роналду 2023 йил бошидан буён "Ан-Наср"да ўйнаб келмоқда.
