Бухорода олий лига жамоалари қошида фаолият кўрсатаётган болалар ва ўсмирлар футбол мактабларининг 2000 йилда туғилган ўқувчилари ўртасида ўтказилган мамлакат биринчилиги баҳслари ниҳоясига етди. Мазкур мусобақада “Шўртан” клуби қошидаги Шаҳрисабз футбол мактабининг Отабек Ҳотамов мураббийлигидаги тарбияланувчилари 11 жамоа орасида 4-ўринни қўлга киритишди.

Хабарингиз бор, улар гуруҳ босқичида “Динамо”(2:0), “Пахтакор” (1:0) вакилларини мағлуб этиб, “Нефтчи” билан дуранг (0:0) ўйнадилар ва майдон эгалари - “Бухоро” вакилларига имкониятни бой беришди – 0:2. Ўз гуруҳида 2-ўринни қўлга киритиб, ярим финалга йўл олган ёш “Оқ бўрилар” бу босқичда “Қизилқум” вакилларига қарши баҳс олиб боришди ва 1:3 ҳисобида мағлубиятга учрашди.

Таққослаш учун, ўтган йили ташкил этилган худди шундай турнирда “Шўртан” вакиллари 11 жамоа орасида саккизинчи бўлишганди. Дарвоқе, бу йилги баҳсларда биринчи ўринни “Бухоро” жамоаси банд этди.