Италиянинг «Женоа» клуби спорт директори Рино Фоски Италия чемпионатининг 12-туридан ўрин олган «Наполи»га қарши учрашув олдидан рақиб ҳужумчиси Эдинсон Кавани ҳақида фикр билдирди.
«Биз Каванининг қандай имкониятга эга эканини яхши биламиз. Умид қиламизки у барча голларини пайшанба куни уриб бўлган».
«Агар жиддий айтадиган бўлсак, унда Европанинг энг яхши футболчиси бўлиш учун барча хусусиятлар бор. Агар у «Барселона»да ўйнаганида кўпроқ голлар урган, ҳаттоки «Олтин тўп»ни ҳам ютиб олиши мумкин эди», дея Фоскининг сўзларидан иқтибос келтирмоқда «Radio CRC».













