Тажрибали дарвозабон Игнатий Нестеров “Навбаҳор” билан шартнома имзолади.

Нестеров 1983 йил, 20 июнда Тошкент шаҳрида туғилган.

Футболчилик фаолияти давомида “Динамо” (Самарқанд, 2000 – 2001 йиллар), “Пахтакор” (Тошкент, 2002 - 2009 йилнинг 1-давраси), “Бунёдкор” (Тошкент, 2009 йилнинг 2-давраси – 2013 йил),”Локомотив” (Тошкент, 2014 – 2018 йиллар, 2019 йилнинг 2-давраси – 2020 йилнинг 1-давраси), “Уҳуд” (Мадина, 2019 йил), “Қизилқум” (Навоий, 2020 йилнинг 2-давраси – 2022 йил) жамоалари дарвозаларини қўриқлаган.

Шунингдек, футболчилик фаолияти давомида 13 маротаба Ўзбекистон чемпионлиги, яна шунча марта Ўзбекистон кубоги, 1 марта МДҲ Чемпионлари кубогини қўлга киритган.

Бундан ташқари, тажрибали посбон Ўзбекистон миллий терма жамоаси таркибида 2002 – 2019 йилларда 105 та ўйинда майдонга тушган.

Шунингдек, миллий терма жамоамиз таркибида 5 марта Осиё кубоги (2004, 2007, 2011, 2015 ва 2019 йиллар)да қатнашган ва бу борада қитъамизда рекорд ўрнатган.

Таъкидлаш жоизки, Игнатий Нестеров Ўзбекистонда хизмат кўрсатган спортчи унвонига эга.

"Биз тажрибали дарвозабонга “Навбаҳор”даги фаолиятида омад ёр бўлиб, “лочинлар”нинг ғалабаларига муносиб ҳиссасини қўшишига тилакдошмиз" - дейилади наманганликлар расмий баёнотида.