Марказий ҳимоячи Серхио Рамос «Ан-Наср»га ўтмайди.
Саудия клуби матбуот томонидан «ПСЖ»ни тарк этганидан кейин эркин агент мақомига эга бўлган испаниялик учун асосий даъвогарлардан бири деб аталганди.
Журналист Руди Галеттининг сўзларига кўра, "Ан-Наср" ниҳоят Рамос учун курашдан чиқиб кетди ва бутун эътиборини «ПСЖ»дан Маркиньоснинг трансфери бўйича музокараларга қаратди.
Агар миш-мишларга ишонадиган бўлсак, 37 ёшли испаниялик футболчи фаолиятини МЛСда давом эттириши мумкин. Унга «Лос-Анжелес» қизиқиш билдирмоқда.
Серхио Рамос 2021 йилдан бери «ПСЖ»да ўйнаб келмоқда. Илгари марказий ҳимоячи «Реал» ва «Севилья» шарафини ҳимоя қилган.
