Тез орада «Челси» марказий ҳимоячи Аксель Дисаси билан шартнома имзолаганини эълон қилади.

Лондон клуби аввалроқ хабар қилинганидек, «Монако» билан трансфер шартларини келишиб олганди ва энди футболчининг ўзи билан келишувга эришди.

Инсайдер Фабрицио Романо ўзининг янгиланган ҳисоботига кўра, франциялик футболчи «Челси» билан 2028 йилгача мўлжалланган ва яна бир мавсумга узайтирилиши мумкин бўлган шартнома имзолаган. 25 ёшли марказий ҳимоячи янги ҳафта бошида жисмоний тайёргарликдан ўтади.

Аксель Дисасининг трансфер нархи 45 млн евро бўлиши кутилмоқда. Футболчига «Ньюкасл» ва «Манчестер Юнайтед» ҳам қизиқиш билдирган.