Tez orada «Chelsi» markaziy himoyachi Aksel Disasi bilan shartnoma imzolaganini e’lon qiladi.

London klubi avvalroq xabar qilinganidek, «Monako» bilan transfer shartlarini kelishib olgandi va endi futbolchining o‘zi bilan kelishuvga erishdi.

Insayder Fabrisio Romano o‘zining yangilangan hisobotiga ko‘ra, fransiyalik futbolchi «Chelsi» bilan 2028 yilgacha mo‘ljallangan va yana bir mavsumga uzaytirilishi mumkin bo‘lgan shartnoma imzolagan. 25 yoshli markaziy himoyachi yangi hafta boshida jismoniy tayyorgarlikdan o‘tadi.

Aksel Disasining transfer narxi 45 mln yevro bo‘lishi kutilmoqda. Futbolchiga «Nyukasl» va «Manchester Yunayted» ham qiziqish bildirgan.