«Барселона» футболчиси Усмон Дембеле «ПСЖ»га ўтишга қарор қилди.
Ушбу трансфер тақдири қанот ҳужумчисининг ўз қўлида, чунки парижликлар аллақачон «Барселона»га 50 миллион евро товон пули тўлашга рози бўлишган.
Журналист Санти Аунанинг ёзишича, Дембеле Лига 1 грандига позитив жавоб берган.Томонлар 2028 йилгача мўлжалланган шартнома борасида келишиб олишган.
Эслатиб ўтамиз, 26 ёшли франциялик футболчининг «Барселона» билан амалдаги меҳнат шартномасида кўрсатилган 50 миллион евро товон пулининг ярми футболчининг ўзига тўланади.
Усмон Дембеле 2017 йилда «Боруссия Дортмунд»га ўтганидан бери жамоа учун 185 ўйинда 40 гол урди ва 43 голли узатмани амалга оширди.
