Лаутаро Мартинеснинг агенти ҳужумчи «Интер» билан ҳамкорликни давом эттиришга тайёрлигини тан олди.

Яқинда Италия ОАВ «нерадзуррилар» раҳбарияти аргентиналик футболчи билан тез орада янги шартнома бўйича музокараларни бошлаш ниятида экани ҳақида хабар тарқатди.

«Лаутаро кўплаб голлар урди, кўплаб совринларни қўлга киритди, бу бошқа клублар орасида эътибордан четда қолмади.

Кўп таклифлар бор эди, лекин Лаутаро уларни тинглашни хоҳламади. У ўз клубига босим ўтказадиганлардан эмас. «Интер» Лаутарони сардор қилди, у Миланда бахтли ва клубни жуда яхши кўради.

Янги шартномами? Менга ҳали қўнғироқ қилишмади, лекин клуб келишув устида ишламоқда. Ўйлайманки, қўнғироқ муқаррар», - деди агент Алехандро Камано.