Мадриднинг “Атлетико” клуби бош мураббийи Диего Симеоне “матрасчилар” билан янги шартнома имзоланиши мумкинлиги ҳақида гапирди.

“Ҳозирча шошилиш йўқ. Агар раҳбарият буни зарур деб ҳисобласа, мен музокаралар столига ўтиришга тайёрман. Бўлмаса, ташвишланманг, мавсум давомида вақт етарли, келинг футболдан завқланайлик. Мен бошқа ҳеч нарса ҳақида ўйламайман", - дейди аргентиналик мутахассис.

Олдинроқ Мадрид клуби Симеоне билан шартномани 2026 йилгача узайтиришга қарор қилгани ҳақида хабар берилганди.