"Тоттенхэм" ярим ҳимоячиси Тангуй Ндомбеле "Галатасарой"га ўтишга яқин турибди. Бу ҳақда Fanatic нашри хабар бермоқда.
Манба берган хабарга кўра, турк клуби 26 ёшли франциялик футболчи билан шахсий шартнома шартларини келишиб олган. Шу билан бирга, "Тоттенхэм" "Галатасарой"нинг 8 миллион евролик таклифини рад этгани ва камида 10 миллион евро олишни истагани қайд этилган.
Эслатиб ўтамиз, Ндомбеле ўтган мавсумни "Наполи"да ижара асосида ўтказган эди. Ярим ҳимоячи Италия клуби сафида 40 та ўйинда иштирок этиб, 2 та гол урди ва битта голли узатмани амалга оширди. Transfermarkt портали футболчини 22 миллион еврога баҳоламоқда.
