"Бавария" бош мураббийи Томас Тухель ҳужумчи Садио Маненинг "Ан-Наср"га ўтишига муносабат билдирди.

Кеча, 1 август куни Саудия клуби сенегаллик ҳужумчи трансферини эълон қилди.

"Биз қаттиқ қучоқлашиб хайрлашдик. Бизга ҳозирги ҳолат ёқмаслигини англадик. Мен у хафа бўлганини тушунаман. Мен ҳам ўзимни бахтли ҳис қилмайман. Биз унинг имкониятларини тўлиқ очиб бермадик. Унинг кетишига мен жавобгарман", - деди Тухель Goal билан суҳбатда.

Мане Мюнхен клубига 2022 йилнинг ёзида "Ливерпул"дан келиб қўшилган эди.

У "Бавария" сафида 38 та ўйинда майдонга тушиб, 12 та гол урди ва 6 та голли узатмани амалга оширди. Мюнхенликлар таркибида ҳужумчи Германия чемпиони ва мамлакат Суперкубоги соҳибига айланди.