"Ливерпул"нинг янги футболчиси Алексис Макаллистер "Бавария"га қарши ўйинда жароҳат олди. Жамоалар ўртасидаги ўртоқлик учрашуви мюнхенликларнинг 4:3 ҳисобидаги ғалабаси билан якунланди.
Pazzi di Fanta хабарига кўра, биринчи бўлимда 24 ёшли аргентиналик футболчи тиззасидан жароҳат олган ва ўйиннинг иккинчи бўлимида майдонга туша олмаган. Ярим ҳимоячи танаффусда Дарвин Нуньесга алмаштирилди.
Англия премьер-лигасининг янги мавсум старти 11 августга белгиланган. Биринчи турда “Ливерпуль” сафарда “Челси” билан тўқнаш келади (13 август). Ўйин 21:30да бошланади.
Эслатиб ўтамиз, 6 август куни “Манчестер Сити” “Арсенал” билан Англия Суперкубоги учун баҳс олиб боради.
