Мюнхеннинг «Бавария» клуби яримҳимоячиси Франк Рибери терма жамоа ҳақида айтган фикрлари билан француз мухлисларининг ғазабини қўзғаб юборди. Футболчи Франция терма жамоасидан кўра, клубдаги фаолияти қадрли эканини тан олди.
«Бавария»да олти йилдан буён ўйнаб келаман. Мен бу ерда ҳақиқий бахтни топдим. «Бавария» мен учун Франция терма жамоасига қараганда қадрлироқ», дейди футболчи.
Аммо Франция терма жамоаси бош мураббийи Дидье Дешам бу ҳолатдан фожеа ясамаслик лозимлигини таъкидлаб ўтган.
«Риберининг ўз мамлакати терма жамоаси учун борини бериб ўйнашига тўлиқ ишонаман. Нима, сиз унинг немис журналистлари билан қилган суҳбати чоғида ўзини боқиб турган «Бавария» клуби ҳақида ноўрин гапларни айтиши ва Франция терма жамоаси муҳимроқ эканини айтишини истаганмидингиз? Менимча бунинг имкони йўқ», дейди Дешам.













