"Манчестер Сити" "Барселона" билан "шаҳарликлар" бош мураббийи Хосеп Гвардиоланинг режаларида йўқ ҳимоячи Жоау Канселунинг трансфери борасида гаплашмади.
Журналист Майкл Плант хабарига кўра, "Манчестер Сити" ҳали Канселуни сотиш бўйича "Барселона" билан ҳеч қандай музокарага киришмаган. Аввалроқ португалиялик футболчи маошини камайтиришга рози бўлгани ва "кўк-анорранглилар" билан шартнома шартларини келишиб олгани ҳақида хабар берилганди.
"Барселона" ҳозир ўнг қанот ҳимоячиси қидирмоқда ва Канселу бош мураббий Хави Эрнандес учун жуда жозибали вариант.
