Туриннинг «Ювентус» клуби ва Италия терма жамоаси дарвозабони Жанлуиджи Буффон Франция терма жамоасига қарши ўртоқлик учрашуви олдидан француз матбуотига «ПСЖ»нинг Европадаги имижи борасида ўз фикрини билдириб ўтди.
«Бу жамоа шунчаки жуда кўп пул сарфлади. Аммо катта пул сарфлаш билан, бой жамоа бўлиш билан футболда ҳар доим ютиб бўлмайди. Бир қанча кам сарфлаб кўпроқ эффект олаётган жамоалар бор».
«Клубнинг тарихи ҳам алоҳида аҳамияти касб этади. Ҳозирча «ПСЖ»ни «Барселона», «Реал» ёки «Ювентус» каби жамоалар сафига қўшиб бўлмайди. Балки 50 йилдан кейин бу ҳақда гапириш мумкин бўлар, аммо ҳозир — йўқ», дея гапириб ўтди Буффон.













