Яқин келажакда «Тоттенхэм» ва «Вольфсбург» ҳимоячи Микки ван де Веннинг трансфери бўйича музокараларни якунлаши керак.
Ижтимоий тармоқ инсайдери Фабрицио Романонинг ёзишича, «шпорлар» 22 ёшли нидерландиялик футболчи учун 40 миллион евро таклиф қилган.
Бонуслар ҳисобига «бўрилар» яна 5 миллион евро ишлаб олишлари мумкин бўлади. Аввалроқ Романо «Тоттенхэм» ван де Вен билан шахсий меҳнат шартномаси шартларини келишиб олгани ҳақида хабар берганди.
«Тоттенхэм» янги мавсумдаги илк ўйинини 13 август якшанба куни ўтказади. Постекоглу шогирдлари «Брентфорд»га қарши сафарда баҳс олиб боради.
