«Вулверхэмптон» бош мураббийи Хулен Лопетеги клубдаги вазиятдан норози.
Испаниялик мутахассис Премьер-лиганинг янги мавсуми бошланиши олдидан жамоанинг ҳолатидан хавотирда.
Лопетегининг сўзларига кўра, «бўрилар» раҳбарияти таркибни мустаҳкамламай туриб, уни трансфер бозорида етарлича қўллаб-қувватламаган, деб ёзади Daily Star. Шу муносабат билан 56 ёшли мураббий истеъфога чиқиш ҳақида ўйлаган.
Хулен Лопетеги 2022 йилнинг ноябрида «бўрилар»ни бошқарган эди. Унинг қўл остида жамоа ўтган мавсумда Премьер-лига турнир жадвалида 13-ўринни эгаллади.
14 август куни «бўрилар» 2023/24 йилги АПЛ 1-тури доирасида «Манчестер Юнайтед»га қарши сафарда ўйнайди.
