Туриннинг “Ювентус” клуби “Челси”нинг ҳужумчи Душан Влахович борасидаги биринчи таклифини рад этди.
Журналист Николо Скиранинг хабар беришича, “кекса синьора” сербиялик футболчини 20 миллион евро эвазига Лондонга қўйиб юборишдан бош тортган. "Кўклар" 20 миллион евродан ташқари Ромелу Лукакуни ҳам таклиф қилишган.
Олдинроқ “Ювентус” Влахович трансфери учун Лукаку ва 50 миллион евро талаб қилгани ҳақида хабар берилганди. "Челси" бундай пулни тўламоқчи эмас, чунки улар Влаховични катта суммага таклиф қилиш мақсадга мувофиқлигига шубҳа қилишади.
Эслатиб ўтамиз, Влахович аввалроқ Чемпионлар лигасида ўйнаш истагини билдирган эди, аммо "Челси" келаси мавсумда еврокубокларда қатнашмайди.
