"Барселона" ҳужумчиси Роберт Левандовски "Бавария" билан қандай хайрлашганини эслади.
Польшалик футболчи Мюнхендаги саккиз йиллик фаолиятидан сўнг ўтган йилнинг июль ойида Каталония клубига ўтган эди.
“Мен муҳитни ўзгартиришни, янги мамлакатга кўчиб ўтишни, янги одамлар билан танишишни хоҳлардим. Мен доим Испанияда ўйнашни орзу қилганман ва ўша пайтда бунинг учун тўғри вақт келганди. Ёшимни ҳисобга олиб, мен бу қадамни ташлашим кераклигига амин бўлдим. “Бавария”да бахтли эдим, лекин у ерда хоҳлаган нарсамга эришдим”, деди Левандовски L'Equipe нашрига берган интервьюсида.
