Олий лигамизда юзага келган танаффусдан барча жамоалар сингари "Навбаҳор" ҳам унумли фойдаланмоқда.

Бир неча кун аввал "лочинлар" Косонсойда маҳаллий жамоа билан беллашиб 3:1 ҳисобида зафар қучганди. Кеча эса "Навбаҳор" Андижонга ташриф буюриб, Олий лига билан амалда хайрлашиб бўлган "Андижон" билан назорат учрашувини ўтказди.

Қизиқарли ўтган "дерби"да майдон эгалари бир тўп фарқи билан ғалаба қозонди. "Андижон"дан голларни Расул Раҳмонов ҳамда Акмал Жўрабоевлар киритишган бўлса, вакилларимиздан Ғайрат Жўраев пенальтидан гол уриб жавоб тўпини киритган. "Навбаҳор" таркибида Денис Романенко жароҳати боис машғулотларда иштирок этмаяпти.

Иккинчи даврада сафга қўшилган ҳимоячи Рустам Боқиев анчадан бери таркибда йўқ. Тажрибали ҳимоячининг сафда йўқлиги сабаби бизга қоронғу. Афтидан Боқиев жамоани тарк этган. Эҳ, Боқиев "Қизилқум"да мазмунли ўйин кўрсатаётган эди...

"Андижон" - "Навбаҳор" 2:1
Голлар: Расул Раҳмонов, Акмал Жўрабоев – Ғайрат Жўраев (пен).
«Андижон»: Юрий Цой, Илдар Маматказин, Икром Ибрагимов, Даврон Турсунов, Мақсуд Ҳайитов, Иброхим Отахонов, Баҳром Абдураҳимов, Ислом Аҳмедов, Расул Раҳмонов, Отабек Валижонов, Акмал Жўрабоев.
Захирадан майдонга тушганлар: Лочин Солиев, Шоир Рўзиев, Шохрух Маҳмудов, Дониёр Усмонов, Рустам Аъзамов.
«Навбаҳор»: Ботир Носиров, Қаҳрамон Муҳаммаджонов, Тимур Султонов, Абдумажид Тоиров, Жаҳонгир Меҳмонов, Виталий Панасюк, Аъзам Алиев, Алишер Маҳмудов, Ғайрат Жўраев, Собир Ҳамидов, Николай Риндюк.
Захирадан майдонга тушганлар: Абдулазиз Султонов, Даврон Исоқов, Элмурод Низомбоев, Ринат Байрамов.