Испаниялик футболчи Лайя Кодина 50 метр масофадан тўпни ўз дарвозасига йўллади. Ҳодиса аёллар ўртасидаги ЖЧ-2023 1/8 финал босқичи доирасида Швейцария терма жамоасига қарши ўйиннинг 11-дақиқасида юз берди.
Қайд этиш жоизки, 23 ёшли испаниялик футболчи мухлислар ва жамоадошлари олдида ўзини тезда тиклай олди ва биринчи бўлим охирида швейцарияликлар дарвозасига гол урди.
Испания терма жамоаси якунда Швейцарияни мағлуб этди ва 2023 йилги аёллар ўртасидаги жаҳон чемпионатининг чорак финалига чиқди.
Испаниялик марказий ҳимоячи Лайя Кодина 2019/2020 йилги мавсумдан бери "Барселона" сафида ўйнаб келмоқда. Шу билан бирга, футболчи 2021/2022 йилги мавсумда Италиянинг “Милан” клубида ижара асосида ўйнаган.
