Рожер Ибаньес "Астон Вилла" ёки "Ноттингем Форест"дан кўра "Ал-Аҳли"га ўтишга яқинроқ.
Инсайдер Фабрицио Романо хабарига кўра, "Рома" ҳимоячиси Яқин Шарқ клуби билан шартнома шартларини келишиб олган. Тиббий кўрик Парижда ўтказилиши мумкин.
Шу билан бирга, саудияликлар Италия клуби билан трансфер суммаси борасида ҳалигача келишмаган, аммо музокараларда олдинга силжиш кузатилган.
RomaPress нашрининг Correira Della Sport нашрига таяниб хабар беришича, римликлар бразилиялик учун камида 30 миллион евро олмоқчи. Қайд этилишича, “Астон Вилла” у ҳақида маълумот сўраган.
Sky Sports хабарига кўра, "Ноттингем Форест" 24 ёшли футболчи учун 25 млн евро таклиф қилган.
