Бугун Теҳрон шаҳридаги Эрон ва Ўзбекистон миллий терма жамоалари бош мураббийлари иштирокида матбуот анжумани бўлиб ўтди. Карлос Кейруш Ўзбекистон терма жамоасини ҳурмат қилишини айтди ва бу ўйинга Эрон яхши тайёргарлик кўрганини айтиб ўтди.

"Бизда бор эътиборимизни Ўзбекистонга қарши ўйинга қаратганмиз. Рақибимиз жуда яхши жамоа ҳисобланади. Биз уларни ҳурмат қиламиз. Лекин биз эса майдонга ғалаба умидида чиқамиз", дея сўз бошлади португалиялик мутахассис матбуот анжуманида.

"Биз қўлимиздан келган барча ишни қиламиз, аммо натижа қандай бўлиши ёлғиз Худога аён. Биз бу борада унинг ишига аралаша олмаймиз", қўшимча қилди у.

"Мухлислар бизни қўллаб-қувватлаб туриши лозим. Биз бутун дунёга Эрон терма жамоасининг Жаҳон чемпионатига боришга муносиб эканини исботлашимиз лозим. Қатар ва Жанубий Кореяга қарши ўйинларда бўлгани каби мухлисларнинг олқишлашига муҳтожмиз", деди Карлос Кейруш.