"Челси" ҳужумчиси Ангело Габриэль ижара асосида Франциянинг "Страсбург" жамоасига ўтади. Бу ҳақда журналист Фабрицио Романо хабар тарқатмоқда.
Манбанинг хабарига кўра, 18 ёшли бразилиялик футболчи тез орада француз клубига ўтади. Қайд этилишича, ёш вингерни ижарага бериш "кўклар" раҳбариятининг дастлабки режаларидан бири бўлган.
Эслатиб ўтамиз, Ангело Габриэль шу ёзда "Сантос"дан 15 миллион евро эвазига "Челси"га ўтган эди. Футболчи собиқ жамоаси таркибида жами 129 та ўйин ўтказиб, 5 та гол урди ва 10 та голли узатмани амалга оширди.
“Челси” янги мавсумдаги илк ўйинини 13 август куни “Ливерпул”га қарши ўтказади.
